Verður Reynir í 1. eða 2. sæti?
Reynir Sandgerði hefur þegar tryggt sér þáttökurétt í úrslitum 3. deildar en þeir leika í B-riðli. Ásamt Reyni hefur Sindri tryggt sér þátttöku í úrslitunum. Á morgun fer fram lokaumferð í B-riðli 3. deildar og þá ræðst hvort Sindri eða Reynir hafnar í 1. sæti riðilsins.
Leikur Reynis og Árborgar hefst kl. 14:00 á Selfossvelli á morgun en með sigri tryggir Reynir sér fyrsta sæti í riðlinum og andstæðing í úrslitakeppninni sem hafnaði í 2. sæti síns riðils. Sindri leikur gegn Ægi og því spennandi að sjá hvort liðið taki toppsætið. Aðeins eitt stig skilur á milli Reynis og Sindra.
