Valur Orri með sigurmark Skallana
Valur orðinn „Supersub“ hjá Borgnesingum
Körfuboltakappinn Valur Orri Valsson heldur áfram að gera það gott í fótboltanum með liði Skallagríms frá Borgarnesi. Í gær skoraði Valur sigurmark Skallagríms gegn liði Skínanda í 4. deild karla B í 2-1 sigri. Valur kom inná sem varamaður í byrjun seinni hálfleiks og byrjaði á því að leggja upp mark fyrir félaga sinn sem jafnaði metin. Valur skoraði svo sigurmark leiksins skömmu síðar með skalla eftir aukaspyrnu. Valur sem er vanur er að leika körfubolta með Keflavík hefur núna skorað þrjú mörk í deildinni af hægri kantinum og er meðal markahæstu manna í deildinni.
Tengd frétt:
