Valgeir með 15 bingó á Landsbankamótinu

Landsbankabót Púttklúbbs Suðurnesja fór fram í síðustu viku þar sem Valgeir Sigurðsson nældi sér í hvorki fleiri né færri en 15 bingó eða holu í höggi. Valgeir varð hlutskarpastur í karlaflokki á 57 höggum en María Einarsdóttir sigraði kvennaflokinn á 63 höggum.

María fékk 10 bingó í mótinu en í 2. sæti í kvennaflokki varð Hrefna Sigurðardóttir á 65 höggum og Unnur Óskarsdóttir var í þriðja sæti á 67 höggum.

Í karlaflokki var Valgeir hlutskarpastur eins og áður greinir en í öðru sæti var Birkir Jónsson á 62 höggum og þriðja sætið skipaði Gústaf Ólafsson á 63 höggum.