Útreið í Garðabænum

Keflvíkingar fengu útreið í næst síðustu umferð Pepsi-deildarinnar í knattspyrnu í dag. Liðið tapaði þá 7-0 fyrir Stjörnunni í Garðabæ.

Keflvíkingar ætla að toppa árið með hverju metinu á fætur öðru en þetta var versta tap liðsins í 55 ár.
„Þetta er gjörsamlega til skammar, ég veit ekki hvað ég get sagt, ég er bara orðlaus. Menn hengja haus við minnsta bakslag og þannig hefur það verið í allt sumar. Það þarf margt að gera og breyta,“ sagði Jóhann B. Guðmundsson eftir leikinn gegn Stjörnunni.