Úrslitaleikur á Njarðvíkurvelli í dag

Víðir Garði og Grótta frá Seltjarnarnesi mætast í hreinum úrslitaleik í 3. deild karla í knattspyrnu í dag á Njarðvíkurvelli kl. 12:00. Bæði lið hafa þegar tryggt sér sæti í 2. deild á næstu leiktíð en leika í dag til úrslita um hvort liðið verði sigurvegari 3. deildar.

 

Seinna í kvöld munu Víðismenn svo halda sitt lokahóf og gera upp sumarið. Að loknu lokahófi verður slegið upp balli með hljómsvetinni Swiss.

 

Fólk er hvatt til að fjölmenna á Njarðvíkurvöll í dag og styðja við bakið á Víðismönnum en frítt verður á völlinn.

 

Víðir-Grótta

Njarðvíkurvöllur í dag kl. 12:00