UEFA-keppnin: Kef til Lux

Keflvíkingar mæta liðinu FC Etzella Ettelbrück frá Lúxemborg í forkeppni UEFA-keppninnar, en dregið var í dag.

Ásmundur Friðriksson, framkvæmdastjóri knattspyrnudeildarinnar sagði sína menn ánægða  með dráttinn, enda feli hann ekki í sér langt ferðalag (FH fer til Azerbaidzjan) og möguleikar þeirra gegn liðinu verða að teljast góðir.

Etzella hefur þrisvar tekið þátt í Evrópukeppni og tapað öllum sínum sex leikjum. Markatala þeirra er 4-20 í leikjunum sex.

Leikið verður heima og heiman 14. og 28. júlí nk. en enn er óvíst hvort fyrri leikurinn verður hér heima eða úti.