Tvö mörk á tveimur mínútum í sigri á KR

Grindavík sigraði KR með tveimur mörkum gegn einu í Pepsi-deild kvenna á Íslandsmótinu í knattspyrnu í gærkvöldi. Grindavík skoraði mörkin á tveggja mínútna kafla í fyrri hálfleik.

 

Fyrst skoraði Helga Guðrún Kristinsdóttir á 28. mínútu og mínútu síðar var Rio Hardy búin að bæta við marki fyrir heimakonur í Grindavík.

 

Mia Celestina Annete Gunter minnkaði svo muninn fyrir KR á 40. mínútu.

 

Næsti leikur Grindavíkur er gegn FH í Kaplakrika 10. júlí nk.