Toppliðin mætast í kvöld - Óli Óla í ruglinu

Það fer fram sannkallaður stórslagur í Toyota-Höllinni í kvöld þegar Keflvíkingar taka á móti toppliði Grindvíkinga í Iceland Express-deild karla. Keflvíkingar eru sem stendur í 2-3 sæti ásamt Stjörnumönnum, fjórum stigum á eftir Grindvíkingum sem eru efstir.

Mannabreytingar hafa orðið á báðum liðum en á meðan Keflvíkingar misstu sennilega sinn sterkasta leikmann á tímabilinum, Steven Gerard, þá fengu Grindvíkingar liðsauka í formi Ryan Pettinella sem lék með liðinu í fyrra.

Við hitum örlítið upp fyrir leikinn með því að sýna góða syrpu frá tilþrifum Ólafs Ólafssonar sem vinir okkar á leikbrot.is settu saman.