Þróttur Vogum fór ósigrað í gegnum riðilinn
Mæta liði Kára í Akraneshöllinni á laugardag
Þróttarar í Vogum luku riðlakeppni C-deildar Lengjubikarsins með góðum 3-1 sigri á liði Afríku s.l. sunnudag. Kristján Steinn Magnússon, Páll Guðmundsson og Reynir Valsson skoruðu mörk Þróttar í leiknum
Liðið endaði því á toppi riðilsins með fullt hús stiga og fer því ósigrað inn í útsláttarkeppnina sem hefst á laugardag þegar liðið mætir liði Kára í Akraneshöllinni kl. 17:30. Sigurliðið fer áfram í undanúrslit mótsins.
