Þróttarar halda áfram að bæta við sig leikmönnum
Þróttur Vogum hefur fengið til liðs við sig sóknarmanninn Andra Björn Sigurðsson frá Ægi Þorlákshöfn. Andri spilaði í 1. deildinni með Þrótti Reykjavík, Selfoss, ÍR, Aftureldingu og Gróttu á sínum tíma.
Andri sem er 27 ára er fjórði leikmaðurinn sem kemur til Þróttar eftir sumarið. Tómas Urbancic, Garðar Benediktsson og Birkir Þór Baldursson komu til félagsins á dögunum.
Þjálfari Þróttar Voga er Brynjar Gestsson en hann tók við liðinu í haust.
