Þróttarar fóru illa að ráði sínu - Reynismenn sigla lygnan sjó

Voga Þróttarar fóru illa að ráði sínu þegar þeir gátu skotist upp í 3. sæti 2. deildar Íslandsmótsins í knattspyrnu þegar þeir töpuðu fyrir Vestra á heimavelli í gær.

Al­ex­and­er Helga­son og Gil­les Ondo komu Þrótti í 2:0 í fyrri hálfleik en snemma í seinni hálfleik fékk Ólaf­ur Hrann­ar Kristjáns­son sitt annað gula spjald og þar með rautt. 

Vestra­menn nýttu sér held­ur bet­ur liðsmun­inn. Þórður Gunn­ar Hafþórs­son minnkaði mun­inn á 72. mín­útu og Al­ex­and­er Helga­son skoraði sjálfs­mark á 85. mín­útu. Vestri var ekki hætt­ur því Aaron Spe­ar skoraði sig­ur­mark í blá­lok­in. Þróttarar sem gátu farið í þriðja sæti með sigri sitja í áttunda sæti. 

Sandgerðingar eru í ágætum málum í 3. deildinni en þeir sigruðu Vængi Júpiters sl. föstudag á útivelli 0:1. Þeir eru í 5. sæti deildarinnar með 26 stig.