Þrjár áhafnir frá Suðurnesjum

Rally Reykjavík hefst á morgun en þrjár áhafnir frá Suðurnesjum eru skráðar til leiks að þessu sinni. Þetta er í þrítugasta og fjórða skiptið sem að þetta rall er haldið á vegum BÍKR.
Þeir félgar Henning og Árni mæta til leiks á Subaru Impreza í flokki N4 en þeir byrjuðu sumarið
á því að sigra Aðalskoðunarrall Aífs í byrjun sumars og lentu svo í öðru sæti í Skagafirðinum.  Þeir félagar leiða Íslandsmótið í ralli yfir heildina og má búast við að þeir ætli sér öll þau stig sem að hægt verður að sækja til að færa sig nær titlinum.

Ragnar og Sævar á ferðinni.

Í 4x4 non túrbo flokki mæta þeir Halldór Vilberg og Brynjar til leiks, en þeir aka Subaru Impreza með 2.0 lítra vél.  Þeir félagar sýndu vel hvað í þeim bjó í fyrsta ralli en lentu í því óhappi að bleyta bílinn á sérleið um Djúpavatn en þar sáu þeir sigurinn í sínum flokki fara frá þeim og enduðu í 4. sæti í sínum flokk en 8 sæti yfir heildina en komu svo grimmir til leiks og lentu í þriðja sæti yfir heildina í Skagafirðinum og sigruðu flokkinn sinn þar. Því má búast við að Halldór og Brynjar mæti sterkir til leiks um helgina.

Í jeppaflokki mæta þeir Ragnar Þ. Magnússon og Sævar Gunnarsson en þeir kepptu í Aðalskoðunarralli Aífs í byrjun sumars og sigruðu þá sinn Jeppaflokk og enduðu í 7. sæti yfir heildina, en það verður að teljast mjög góður árangur. Þeir eru að mæta í sitt annað rall á sumrinu og verður hörð barátta í jeppaflokki en Ragnar og Sævar leiða flokkinn af stigum og þurfa því að klára rallið til að tryggja sér stiginn sem þar eru í boði.  

 Henning og Árni á Subaru Impreza.