Þrír Suðurnesjamenn í landsliðinu í körfu

Suðurnesjamennirnir Jóhann Árni Ólafsson úr UMFG, Logi Gunnarsson úr UMFN og Hörður Axel Vilhjálmsson sem lék síðast með Keflavík þegar hann var á Íslandi eru í landsliðshópi Íslands sem fer til Kína á þriðjudaginn.
Auk kínverska og íslenska liðsins taka þát lið Makedóníu og Svartfjallalands en þau eru að undirbúa sig fyrir lokakeppni Evrópumótsins sem verður í Slóveníu í haust.

Íslenska liðið er að undirbúa sig undir þátttöu í undankeppni Evrópumótsins semhefst í byrjun ágúst en leikið verður um eitt sæti á Eurobasket 2015 í Úkraínu.

Hópurinn sem heldur utan til Kína á þriðjudaginn er skipaður eftirtöldum aðilum:

Brynjar Þór Björnsson · KR
Haukur Helgi Pálsson · La Bruixa d'Or (áður Manresa)
Jakob Örn Sigurðarson · Sundsvall Dragons
Jóhann Árni Ólafsson · Grindavík
Hlynur Bæringsson · Sundsvall Dragons
Martin Hermannsson · KR
Axel Kárason · Værlose
Ragnar Nathanaelsson · Hamar
Hörður Axel Vilhjálmsson · án félags
Logi Gunnarsson · án félags
Pavel Ermolinskij · án félags

Peter Öqvist · þjálfari
Pétur Már Sigurðsson · aðstoðarþjálfari
Arnar Guðjónsson · aðstoðarþjálfari
Jóhannes Marteinsson · sjúkraþjálfari
Hannes S. Jónsson · fararstjóri
Friðrik Ingi Rúnarsson · fararstjóri