Þorgerður og Elísa sigra á innanfélagsmóti

Innanfélagsmót fimleikadeildar Keflavíkur var haldið sl. laugardag.  Allir hópar deildarinnar nema 5 ára hópar tóku þátt.

Mótið skiptist í 4 hluta, í 1. hluta kepptu D hópar sem eru yngstu hópar deildarinnar, ekki var keppt til verðlauna heldur fengu allir keppendur verðlaunapening. 
Í 2. hluta kepptu A hópar og C hópar og kepptu A hópar til verðlauna en C hópar fengu allir verðlaunapening, auk þess sem 3 hæstu fengu auka verðlaunapening. 
Í 3. hluta kepptu B hópar og fengu allir keppendur verðlaunapening, auk þess sem 3 hæstu í hverjum hóp fengu aukapening.  Í 4. hluta kepptu H hópar (tromphópar) og var keppt til verðlauna þar. 
Í öllum hlutunum voru veitt verðlaun fyrir bestu framfarir yfir veturinn, bestu mætinguna og fyrir prúðmennsku.

Innanfélagsmeistarar í ár eru þær Þorgerður Magnúsdóttir (11 ára) í hóp A1 í áhalda fimleikum og Elísa Sveinsdóttir (14 ára) í hóp H1 í almennum fimleikum.