Þórarinn, Magnús og Hörður skrifa undir hjá Keflavík

Þeir Þórarin Kristjánsson og Magnús Þorsteinsson voru meðal 15 leikmanna sem skrifuðu undir samninga við Knattspyrnudeild Keflavíkur í dag.

Þórarinn, Magnús og Hörður Sveinsson skrifuðu undir 3ja ára samninga við liðið, en það sama gerði markvörðurinn Magnús Þormar auk nokkurra ungra og efnilegra leikmanna.

Hjá kvennaliðinu skrifuðu Nína Ósk Kristinsdóttir og Vesnja Smiljlkovic undir 2ja ára samninga auk annarra.

Rúnar Arnarson, formaður knattspyrnudeildarinnar, sagðist himinlifandi yfir að hafa fengið þennan stóra hóp til að helga Keflavík næstu ár og spáði góðu gengi á næstu árum.