Tap hjá Keflavíkurstúlkum í Lengju-úrslitum

Keflavíkurstúlkur töpuðu fyrir Haukum í úrslitaleik Lengjubikarkeppninnar í körfubolta en úrslitaleikurinn fór fram á Selfossi. Lokatölur urðu 70-47 og sigur Hauka öruggur eins og tölurnar bera með sér.

Haukar fóru taplausir í gegnum mótið en liðið er firnasterkt. Haukastúlkur hafa m.a. fengið Helenu Sverrisdóttur heim úr atvinnumennsku en hún skoraði 22 stig í úrslitaleiknum. Bryndís Guðmundsdóttir skoraði 12 stig fyrir Keflavík.