Sundfólk ÍRB á réttu róli

Sundfólk  ÍRB  var  á  réttu  róli  á  Stórmóti  SH sem fram fór í Sundhöll Hafnarfjarðar  um  helgina. Margir sundmenn fóru í úrslit og unnu sínar greinar. Örn Arnarson  setti  nýtt  íslandsmet  í 100m flugsundi og ætlar greinilega  að  byrja  Ólympíuárið  með  stæl. Erla Dögg Haraldsdóttir náði lágmörkum  fyrir  EM  25 sem fram fer í Austurríki nk. desembermánuð. Hún syndir  þess  grein  ekki  oft  en ætti sennilega að gera meira af því tími hennar var betri en besti tími ársins 2003 á íslensku afrekaskránni.
Ungir  og  efnilegir sundmenn voru líka einnig að láta að sér kveða og náði Marín  Hrund  Jónsdóttir  lágmörkum inní Framtíðarhóp Sundsambandsins þegar hún  synti  mjög  gott  200m  baksund. Lið ÍRB átti síðan þrjá fulltrúa í stigahæstu  sundmönnum  mótsins, en það voru  þau Helena Ósk Ívarsdóttir, Þórður Ásþórsson og Erla Dögg Haraldsdóttir.