Suðurnesjastúlkur gætu farið alla leið á EM

Stúlkurnar í U-17 ára lið Íslands í knattspyrnu hafa heldur betur verið að gera góða hluti í úrslitakeppni Evrópumótsins sem fram fer í Sviss um þessar mundir. Liðið fór taplaust í gegnum undankeppnina og riðlakeppnina spilar gegn Spánverjum í undanúrslitum í dag í Nyon í Sviss. Með liðinu leika þær Arna Lind Kristinsdóttir markvörður úr Keflavík og Grindvíkingurinn Ingibjörg Yrsa Ellertsdóttir.

Við munum fylgjast með gangi mála í leiknum í dag og birta fréttir af þeim stöllum.