Íþróttir

Þeir Elías og Arnór eru áfram í hópnum en á neðri myndinni má sjá Njarðvíkinginn Ingvar Jónsson sem einnig er í hópnum.

Fimmtudagur 7. janúar 2016 kl. 16:14

Suðurnesjapiltar halda í EM drauminn

Arnór, Elías og Ingvar áfram í landsliðinu

Þrír Suðurnesjamenn voru valdið í karla landslið Íslands í fótbolta sem leika mun vináttuleiki við Finnland og Sameinuðu Arabísku Furstadæmin í Abu-Dhabi. Þetta eru þeir Arnór Ingvi Traustason Norrköping, Elías Már Ómarsson Valerenga og Ingvar Jónsson hjá Sandnes Ulf. Allir hafa þeir verið í hóp undanfarin misseri og því sigtinu hjá þjálfurum íslenska liðsins fyrir EM næsta sumar.

Landsliðið mun leika tvo leiki í ferðinni en það er gegn Finnlandi þann 13. janúar og Sameinuðu Arabísku Furstadæmin þann 16. janúar. Liðið leikur svo vináttuleiki í Bandaríkjunum í lok mánaðar en enginn Suðurnesjamaður er í þeim hóp. Þó má gera ráð fyrir því að einhverjir úr þessum hóp fari einnig til Bandaríkjanna.