Suðurnesjamenn vel merktir á EM í Frakklandi

Suðurnesjamenn eru fjölmennir í Frakklandi um þessar mundir þar sem Evrópumótið í knattspyrnu stendur sem hæst.

Suðurnesjamenn eiga sína fulltrúa í liðinu. Njarðvíkingarnir uppöldu Arnór Ingvi Traustason og Ingvar Jónsson eru tiltölulega nýir í liðinu auk þess að hinn uppaldi Grindvíkingur Alfreð Finnbogason hefur verið fastamaður undanfarin ár.

Fjölskyldur og vinir liðsmanna hafa að sjálfsögðu fjölmennt til Frakklands. Fjölskylda Arnórs Ingva er m.a. mætt á staðinn og er klár í slaginn gegn Portúgal í kvöld.

Þau eru að sjálfsögðu vel merkt í búningum af sínum manni. Eins og sjá má á myndinni hér að ofan þá eru systkini og faðir Arnórs öll komin í treyju sem merkt er með númeri og nafni Arnórs - „Traustason #21.“ svona á að gera þetta!

Suðurnesjafólk er í miklu stuði í St. Entienne þar sem leikurinn verður í kvöld. Hér er góður hópur.