Suðurnesjamenn á næststærsta hnefaleikamóti heims

Þeir Björn Snævar Björnsson og Elvar Sturluson hjá Hnefaleikafélagi Reykjaness lögðu land undir fót í gær en þeir félagar hyggjast keppa keppa fyrir hönd HFR í hinu árlega ACBC boxmóti, sem talið er vera það næststærsta í heiminum.

Alls eru 25 íslenskir boxarar á mótinu sem haldið er í Gautaborg. ACBC mótið var fyrsta haldið árið 1987 og í ár munu 607 keppendur taka þátt, þar af 25 íslendingar. Keppendur á mótinu eru frá 10 ára aldri og allt til 35 ára aldurs.

Mótið fer fram 2. - 4. nóvember.