Suðurnesjaliðin náðu í stig
Grindavík og Keflavík gerðu bæði 1-1 jafntefli í Landsbankadeild karla í knattspyrnu í kvöld. Grindvíkingar gerðu 1-1 jafntefli við Fylki en Víkingur og Keflavík skildu jöfn í Reykjavík.
Páll Einarsson gerði mark Fylkismanna í Grindavík en Ray Anthony Jónsson jafnaði metin. Guðmundur Steinarsson skoraði mark Keflvíkinga gegn Víkingum en Viktor Bjarki Arnarson jafnaði fyrir Víking.
Þegar 11 umferðum er lokið eru Keflvíkingar í 4. sæti deildarinnar með 15 stig en Grindavíkingar í því sjötta með 14 stig.
Nánar síðar…
VF-mynd/ [email protected] - Óðinn Árnason í baráttunni við Christian Christiansen leikmann Fylkis
