Styrmir Gauti leikmaður ársins hjá Njarðvík
Brynjar Freyr efnilegastur
Varnarmaðurinn Styrmir Gauti Fjeldsted var kjörinn leikmaður ársins á lokahófi meistaraflokks Njarðvíkur sem fór fram í gær, laugardag. Brynjar Freyr Garðarsson var útnefndur efnilegasti leikmaðurinn og Björn Axel Guðjónsson markahæsti leikmaður liðsins, með 12 mörk í 17 leikjum.
Þá voru tveimur leikmönnum veittar viðurkenningar fyrir leikjafjölda. Gísli Freyr Ragnarsson fyrir 100 leiki með meistaraflokki og Styrmir Gauti Fjeldsted fyrir 50 leiki með meistaraflokki en hann lék fyrst leikinn sinn sumarið 2009.
Brynjar Freyr Garðarsson var útnefndur efnilegasti leikmaður Njarðvíkinga.
