Stólastrákar til Keflavíkur

Um helgina barst Keflavík góður liðsstyrkur þegar fjórir ungir leikmenn skrifuðu undir samning hjá félaginu. Piltarnir koma frá Tindastóli á Sauðárkróki. Þeir eru 16 og 17 ára gamlir og eru því gjaldgengir í 2. flokk hjá Keflavík næsta sumar. 

 

Leikmennirnir munu koma til liðs við Keflavík strax eftir áramót og stunda nám við Fjölbrautaskóla Suðurnesja samhliða því að æfa knattspyrnu. Á vefsíðu Keflvíkinga segir að ljóst sé að strákarnir séu góð viðbót við liðið sem ætlar sér stóra hluti næsta sumar í 2. flokki.

 

Mynd: www.keflavik.is- Á myndinni eru frá vinstri Arnar Skúli Atlason, Fannar Freyr Gíslason, Arnar Magnús Róbertsson og Ingvar Björn Ingimundarson. Millum þeirra pilta er nýráðinn framkvæmdastjori KSD Keflavíkur, Friðrik Rúnar Friðriksson.