Sterkur varnarleikur skóp verðskuldaðan sigur Reynismanna
„Hrós á strákana í vörninni,“ sagði Ray Anthony eftir leik.
Reynir landaði þremur mikilvægum stigum í botnbaráttu annarrar deildar í kvöld með 3:1 sigri á KFA, einu af liðunum í toppbaráttunni.
Reynismenn komust yfir í upphafi leiks með marki Strahinja Pajic (2') og fengu færi til að bæta við í fyrri hálfleik.
Það var því eins og braut tuska í andlit þeirra þegar fyrrum leikmaður Reynis, Julio Cesar Fernandes, jafnaði leikinn í uppbótartíma fyrri hálfleiks (45’+3).
Reynismenn létu það ekki á sig fá og skoruðu tvö mörk undir lok leiks til að tryggja sterkan sigur á heimavelli.
Jóhann Páll Kristbjörnsson, íþróttafréttamaður Víkurfrétta, ræddi við Ray Anthony Jónsson, þjálfara Reynismanna, eftir leikinn og má sjá viðtalið í spilaranum hér að neðan.
Nánari umfjöllun um leik Reynis og KFA ásamt myndasyrpu frá Bronsvellinum í Sandgerði birtist á vef Víkurfrétta í fyrramálið.
