Stefan setti upp sýningu – Njarðvík með montréttinn

Stefan Bonneau fór hamförum í liði Njarðvíkinga í 100-90 sigri liðsins gegn Keflavík í kvöld í TM-höllinni í Dominos-deild karla í körfubolta.  Bandaríski leikstjórnandinn var óstöðvandi í sóknarleiknum og hann var maðurinn á bak við sigur þeirra grænklæddu í kvöld. Stefan skoraði 48 stig og tók að auki 12 fráköst þrátt fyrir að vera einn minnsti maðurinn á vellinum. Með sigrinum þokaði Njarðvík sér upp stigatöfluna og er með 20 stig eftir 16 umferðir og er í þriðja sæti en Keflavík er með 16 stig í 7. sæti.

Leikurinn var jafn og spennandi í fyrri hálfleik, en aðeins einu stigi munaði á liðunum í hálfleik, 41-40 fyrir Njarðvík.

Í þriðja leikhluta skildu leiðir og Njarðvíkingar skoruðu 31 stig gegn 19 stigum Keflvíkinga. Þann mun náðu heimamenn aldrei að vinna upp.

Fjórði leikhlutinn var jafn og endaði með eins stigs sigri heimamanna.

Keflavík-Njarðvík 90-100 (22-23, 19-17, 19-31, 30-29)

Stig Keflavíkur: Davon Usher 28/5 fráköst, Guðmundur Jónsson 24, Þröstur Leó Jóhannsson 20/11 fráköst, Reggie Dupree 4, Arnar Freyr Jónsson 4/6 stoðsendingar, Damon Johnson 4/4 fráköst, Valur Orri Valsson 3/8 fráköst, Davíð Páll Hermannsson 2, Andrés Kristleifsson 1, Gunnar Einarsson 0, Hilmir Gauti Guðjónsson 0, Knútur Eyfjörð Ingvarsson 0.

Stig Njarðvíkur: Stefan Bonneau 48/12 fráköst, Hjörtur Hrafn Einarsson 16/4 fráköst, Logi Gunnarsson 13/5 stoðsendingar, Mirko Stefán Virijevic 8/15 fráköst, Ágúst Orrason 8, Maciej Stanislav Baginski 6/6 fráköst, Oddur Birnir Pétursson 1, Ólafur Helgi Jónsson 0, Ragnar Helgi Friðriksson 0, Snorri Hrafnkelsson 0, Jón Arnór Sverrisson 0, Magnús Már Traustason 0.

Dómarar: Leifur S. Gardarsson, Davíð Kristján Hreiðarsson, Jón Bender

Staðan:

1       KR      16      15      1       1585    -       1300    30
2       Tindastóll      16      12      4       1519    -       1373    24
3       Njarðvík        16      10      6       1392    -       1310    20
4       Stjarnan        15      9       6       1332    -       1297    18
5       Þór Þ.  16      9       7       1504    -       1515    18
6       Snæfell 16      8       8       1418    -       1426    16
7       Keflavík        16      8       8       1339    -       1387    16
8       Haukar  15      7       8       1315    -       1306    14
9       Grindavík       16      7       9       1411    -       1451    14
10      ÍR      16      3       13      1366    -       1448    6
11      Fjölnir 15      3       12      1245    -       1409    6
12      Skallagrímur    15      3       12      1204    -       1408    6

x