Stefán Örn æfir með Keflavík

Stefán Örn Arnarson, framherji sem var leystur undan samningi sínum við Víking í Reykjavík fyrir skemmstu, mun æfa með Keflvíkingum næstu daga með það að sjónarmiði að ganga til liðs við þá. Þetta kemur fram á heimasíðu Keflavíkur.

Stefán býr og starfar í Reykjanesbæ og eru því hæg heimantökin að ganga til liðs við Keflavík þar sem framherjar eru af skornum skammti.

Leikmaðurinn lék einn leik með Víkingi í 1. deildinni og skoraði þar mark, en svaf yfir sig og missti af leik þeirra gegn KS og var látinn fara skömmu síðar.

Myndin er tekin af fréttasíðunni fotbolti.net: Daníel Rúnarsson