Sömdu við Metabolic um undirbúningsþjálfun

Nú er undirbúningsþjálfun hjá knattspyrnumönnum komin á fullt skrið. Meistaraflokkur karla og kvenna í Grindavík, 2. flokkur karla í Grindavík og meistaraflokkur kvenna í Keflavík eru byrjuð í þreki í Metabolic afreksþrekþjálfun undir leiðsögn Helga Jónasar Guðfinnssonar og Einars Inga Kristjánssonar.

Áherslan í þjálfuninni beinist fyrst og fremst í að auka styrk, snerpu, stökkkraft og jafnvægi en rík áhersla er lögð á að auka hreyfanleika og lágmarka meiðslahættu.