Snorri Már Jónsson nýr þjálfari Reynis

Snorri Már Jónsson hefur tekið við þjálfun 2. deildarliðs Reynis frá Sandgerði í knattspyrnu en hann tekur við starfinu af Sinisa Kekic sem var að hætta óvænt með liðið eftir mánuð í starfi. Hann er 35 ára gamall og lék á ferli sínum 203 leiki með Keflavík, Grindavík og Njarðvík.

Snorri Már spilaði með Reyni árið 1996 þegar liðið fór upp í 1. deild. Undanfarin ár hefur hann þjálfað sameinað lið Grindavíkur og Njarðvíkur í 2. flokki karla með góðum árangri en hann hefur fimmtu gráðu þjálfarastigs sem inniheldur UEFA B réttindi.

Mynd: Gunnar Gunnarsson - Snorri Már í leik með Njarðvík