Skammarleg skemmdarverk á knattspyrnuvelli Keflavíkur

Ljót aðkoma blasti við á Keflavíkurvelli í gær þar sem búið var að brjóta fjölmörg sæti í stúkunni og fleygja niður á völlinn. Jón Örvar Arason, framkvæmdastjóri knattspyrnudeildarinnar segir að þeir hafi orðið varir við skemmdarverk af þessu tagi að undanförnu, en ekki svo mikið í einu.

Hann segir að engin annar völlur í fremstu röð sé ógirtur með ótakmörkuðu aðgengi almennings. Erfitt sé hins vegar að girða hann af því hlaupabrautin í kringum hann er afar vinsæl meðal bæjarbúa.