Sjötti sigurinn í röð hjá Elvari og félögum

Njarðvíkingurinn Elvar Már Friðriksson skoraði 10 stig og gaf 8 stoðsendingar þegar lið hans í Barry háskólanum sigraði Palm beach skólann 91:73 í bandaríska háskólakörfuboltanum í gær. Var þetta sjötti sigurleikur liðsins í röð en í síðasta leik skilaði Elvar 13 stigum og 12 stoðsendingum. Lið Elvars hefur aðeins tapað einum leik en sigrað í 13 á tímabilinu.

Grindvíkingurinn Jón Axel Guðmundsson skoraði 6 stig í tapi Davidson gegn Fordham. Í leiknum þar á undan var Jón með 9 stig og 8 stoðsendingar í sigurleik. Lið Jóns er með 8 sigra og 7 töp í vetur.

Í myndbandinu hér að neðan sést Elvar fá slæma byltu í leiknum í gær.

Elvar earning buckets the hard way #Toughness #GoBarryBucs @ShoresChamber Day at the HSC pic.twitter.com/7AcH8t7vKr

— BarryU Athletics (@GoBarryBucs) January 12, 2017