Sjö Suðurnesjamenn í landsliðshópum

Um komandi helgi verða æfingar hjá U16 og U17 karla í knattspyrnu og hafa landsliðsþjálfararnir, Keflvíkingurinn Freyr Sverrisson og Þorlákur Árnason, valið leikmenn fyrir þessar æfingar. Bæði Keflvíkingar og Grindvíkingar eiga fulltrúa í liðunum. Með U-17 liðinu hafa Keflvíkingarnir Sindri Kristinn Ólafsson, Fannar Orri Sævarsson, Anton Freyr Hauksson og Samúel Þór Traustason verið valdir til æfingar. Einnig var Boris Jugovic frá Grindavík boðaður til æfinga með liðinu.

Keflvíkingurinn Sigurbergur Bjarnason er svo í hópnum hjá U-16 ára liðinu sem og Grindvíkingurinn Hilmar Andrew McShane.

Grindvíkingurinn Hilmar Andrew McShane.

Sigurbergur Bjarnason með Íslandsbikarinn síðasta sumar.