Sigursælir Keflvíkingar
7. flokkur ekki tapað allt tímabilið
Yngri flokkar Keflavíkur hafa verið að gera það gott í körfuboltanum og hefur félagið eignast fjölmarga Íslandsmeistara að undanförnu. Bæði 7. og 8. flokkur karla urðu Íslandsmeistarar á dögunum en þar eru á ferðinni mjög efnilegir piltar.
Strákarnir í 7. flokki unnu einnig Íslandsmeistaratitilinn í fyrra en þeir fóru taplausir í gegnum þetta tímabil. Samtals hafa þeir sigrað 23 leiki í röð í sínum aldursflokki.
Minnibolti 11 ára stúlkna varð einnig Íslandsmeistari á dögunum.
Arnór Sveinsson tryggir hér sigurinn gegn KR í lokaleiknum. Mynd Ólafur Guðmundsson.
