Sigurjón vann sinn fyrsta MMA bardaga

Hinn 26 ára gamli Sigurjón Rúnar Vikarsson vann sinn fyrsta MMA bardaga síðastliðinn laugardag á Headhunters bardagakvöldinu í Skotlandi, en þar keppti hann ásamt þremur öðrum bardagamönnum frá Mjölni. Sigurjón keppti við Ross Mcintosh en bardagann sigraði Sigurjón eftir klofna dómaraákvörðun.

Sigurjón byrjaði að æfa í Mjölni haustið 2015, en fyrir það hafði hann æft box með hléum frá árinu 2010 og varð Íslandsmeistari í boxi árið 2011. Þar að auki er hann með blátt belti í brasilísku jiu-jitsu. Í samtali við MMA fréttir segist Sigurjón vera í sínu besta líkamlega formi.

Andstæðingur Sigurjóns var einnig að keppa sinn fyrsta MMA bardaga en bardaginn fór fram í 77 kg veltivigt.

Hægt er að sjá bardagann hér að neðan.