Sigurbergur sjóðheitur í Flórída

Knattspyrnumaðurinn Sigurbergur Elisson er að gera það gott í háskólaboltanum í Bandaríkjunum um þessar mundir. Sigurbergur sem leikur með liði Embry-Riddle háskólans í Daytona í Flórída, hefur verið á skotskónum að undanförnu og hefur vakið nokkra athygli fyrir vikið.

Keflvíkingurinn knái er kominn með 10 mörk í jafnmörgum leikjum síðan hann fór ytra í sumar. Í gær var Sigurbergur kjörinn sóknarmaður vikunnar í Sun-deildinni sem liðið hans leikur í. Í síðustu viku skoraði Sigurbergur þrjú mörk, þar af tvö mörk sem færðu liði hans sigur.

Sigurbergur hélt ásamt liðsfélögum sínum úr Keflavík, þeim Magnúsi Magnússyni og Viktori Smára Hafsteinssyni í nám við skólann í loks sumars. Hér má sjá spjall við þá félaga sem blaðamaður VF tók við þá áður en þeir kvöddu Bítlabæinn.

 

 

Viktor, Sigurbergur og Magnús rétt fyrir flutninga til Flórída.