Sextán ára samdi jólasýningu

Húsfyllir var á þremur sýningum fimleikadeildar Keflavíkur á laugardaginn. Að venju tóku fjölmargir iðkendur þátt í jólasýningunni sem var glæsileg.

Höfundur var Andrea Dögg Hallsdóttir en hún er 16 ára iðkandi og þjálfari í deildinni. Henni til aðstoðar við að semja opnunaratriðið var Hildur Björg Hafþórsdóttir.

Sýningin var byggð á myndinni The Greatest Showman sem er einmitt ein af jólamyndum Stöðvar 2 í ár.

Í lok sýningarinnar var greint frá vali á fimleikakonu og fimleikakarli ársins.

Fimleikakona ársins 2018 er Alísa Rún Andrésdóttir og Fimleikakarl ársins 2018 er Atli Viktor Björnsson.