Sex efnilegar í yngri landsliðum

Sex stúlkur af Suðurnesjum hafa verið valdar til æfinga með  U17 og U16 landsliðum kvenna í knattspyrnu á næstunni. Alls voru 67 leikmenn boðaðir til æfinga í tveimur hópum.

Dröfn Einarsdóttir og Ísabel Jasmín Almarsdóttir frá Grindavík og Aníta Lind Daníelsdóttir frá Keflavík eru í hópi stúlkna sem fæddar eru 1999-2000.

Sveindís Jane Jónsdóttir og Helga Sif Árnadóttir frá Keflavík, auk Kristínar Anitudóttir Mcmillan frá Grindavík, eru í hópi þeirra leikmanna sem fæddar eru 2000-2001.