Samúel Kári orðinn góður af meiðslunum

Keflvíkingurinn Samú­el Kári Friðjóns­son lék sinn fyrsta deild­ar­leik fyr­ir aðallið Vål­erenga í norsku efstu deild­inni í knatt­spyrnu um síðustu helgi. Samú­el Kári kom inná á 65. mín­útu þegar Vål­erenga gerði marka­laust jafn­tefli við Brann í 15. um­ferð deild­ar­inn­ar. 

Samú­el Kári gekk til liðs við Vål­erenga frá Rea­ding í fyrra­sum­ar, en hann sleit kross­band á einni af sín­um fyrstu æf­ing­um með Vål­erenga. Samú­el Kári fékk langþráðar mín­út­ur með Vål­erenga í leikn­um. Næsti leikur liðsins er útileikur gegn Kristiansund.
 
Samúel Kári segist loksins vera orðinn 100% góður af meiðslunum og líði æðislega þessa dagana. „Mér leið vel i leiknum og það var dásamlegt að spila aftur eftir þessa fjarveru. Stemningin var mögnuð á leiknum enda sautján þúsund manns á áhorfendapöllunum. Völlurinn var mjög blautur og erfitt að spila fótbolta en við spiluðum vel.“


Samúel telur líklegt að þjálfarinn verði áfram með sama hópinn en að hugsanlegt sé að hann fái að spila fleiri mínútur. „Þetta er mikil vinna og það hjálpar ekkert að vera óþolinmóður þannig eina sem ég geri er að halda áfram að bæta mig og þá kemur tækifærið. Við erum í 5. - 6. sæti deildarinnar en það er stutt á milli liða í fyrstu sex sætunum. Það er mikið eftir af tímabilinu og við getum unnið okkur inn mörg stig sem er okkar markmið.”