Samningur Mete senn á enda

Í lok þessa árs verður Guðmundur Viðar Mete samningslaus hjá Knattspyrnudeild Keflavíkur. Á vísi.is kemur fram í dag að Guðmundur sé nú í viðræðum við stjórn Keflavíkur um nýjan samning.

Guðmundur er einn sterkasti varnarmaðurinn í Landsbankadeildinni í dag og því þykir líklegt að forráðamenn Keflavíkur geri allt sem í sínu valdi stendur til þess að hafa brimbrjótinn áfram í vörninni við hlið Kenneths Gustafssonar sem nýverið samdi við félagið til þriggja ára.

Guðmundur segir í samtali við vísi.is að Keflavík hafi á mjög góðu liði að skipa og að hann stefni að því að vera áfram hjá félaginu en myndi þó skoða önnur tilboð ef þau myndu berast.

www.visir.is