Rúnar Ingi fékk Elfarsbikarinn
Körfuknattleiksmaðurinn Rúnar Ingi Erlingsson hlaut Elfarsbikarinna á uppskeruhátíð körfuknattleiksdeildar UMFN sem fram fór fyrir skemmstu. Rúnar Ingi hefur þegar látið að sér kveða með meistaraflokki félagsins en hann kemur úr hinum sigursæla 1989 árgangi Njarðvíkinga sem sópaði að sér verðlaunum upp alla yngri flokkana.
Elfarsbikarinn er veittur efnilegasta leikmanni UMFN ár hvert en meðal þeirra sem fyrr hafa hlotið Elfarsbikarinn eru leikmenn á borð við Loga Gunnarsson A-landsliðsmann í körfubolta og Óskar Örn Hauksson núverandi knattspyrnumann hjá KR.
