Reynisdagur í Sandgerði á laugardaginn

Reynisdagurinn fer fram í Sandgerði á laugardag og hefjast herlegheitin strax kl. 10:00 um morguninn þegar Reynismenn koma saman og tippa á leiki helgarinnar.

 

Kl. 10:30 ætlar mfl. karla í knattspyrnu að spila leik gegn Hvíta Hernum á grasinu aftan við íþróttahúsið.

 

Kl. 14:00 mætast í körfuboltaleik í íþróttahúsinu, mfl. karla í fótbolta og mfl. karla í körfubolta. Aðgangseyrir að þeim leik er 500kr og rennur aðgangseyririnn óskiptur til Íþróttafélags fatlaðra á Suðurnesjum, Nes. Hvetjum fólk til að mæta og fylgjast með skemmtilegum leik.

 

Kl. 16:00 ætlar unglingaráð knattspyrnudeildar að grilla fyrir öll börn í Sandgerðisbæ. Grillveislan fer fram í Reynisheimilinu.

 

Herrakvöld knattspyrnudeildar fer svo fram í Samkomuhúsinu á laugardagskvöldið. Húsið opnar kl. 19:30 og hefst borðhald klukkustund síðar. Þar er í boði:

· Stórglæsilegt sjávarréttahlaðborð að hætti Gunna Óskars

· Ræðumaður kvöldsins er Þorsteinn Gunnarsson íþróttafréttamaður

· Gísli Einarsson skemmtir

· Veislustjóri er fyrrum fyndnasti maður Íslands, Sveinn Waage

· Glæsilegt búninga- og málverkauppboð sem meðal annars inniheldur áritaða Portsmouth treyju frá Hemma Hreiðars og glæsilegt málverk frá Tolla

· Veglegt happadrætti – meðal vinninga eru ferðavinningar frá Icelandair og IcelandExpress