Pargo tryggði Grindavík sigur gegn UMFN í blálokin

Leikmaðurinn sem tryggði Grindavík Íslandsmeistaratitilinn síðasta vor, Jeremy Pargo, skoraði stigurstigin þegar rétt rúmar 4 sekúndur voru eftir gegn Njarðvík í HS Orku höllinni í Grindavík í 4. umferð Bónus-deildar karla í körfubolta í kvöld. Lokatölur 104-103 fyrir Grindavík í skemmtilegum leik.

Heimamenn byrjuðu betur og leiddu með tíu stigum eftir fyrsta leikhluta, 23-13. Grindavík bætti við einu stigi í forskoti og leiddi með ellefu stigum í leikhlé, 52-41.

Njarðvíkingar mættu af krafti í þriðja leikhluta og og gerðu þetta að alvöru leik sem endaði með framlengingu. Þar réðust úrslitin ekki fyrr en rúmar fjórar sekúndur voru eftir. Nýr leikmaður UMFN, David Okeke, sem átti mjög góðan leik kom Njarðvíkingum í eins stig forystu þegar tíu sekúndur voru eftir en Jeremy Pargo svaraði með flottri körfu þegar 4,5 sekúndur voru eftir. Makey Richard, besti maður UMFN í leiknum, fékk boltann og tók skot á vallarhelmingi Njarðvíkinga alltof snemma og hitti ekki og sigurinn endaði hjá Grindvíkingum.

Njarðvíkingar voru nálægt því að enda tapseríu en hafa ásamt Sindra og Ármanni tapað öllum leikjunum á nýbyrjuðu tímabili. Grindvíkingar unnu sinn annan sigur á tímabilinu.

Grindavík-Njarðvík 104-103 (23-13, 29-28, 19-27, 23-26, 10-9)

Grindavík: Daniel Mortensen 26/4 fráköst, Jeremy Raymon Pargo 18/10 stoðsendingar, Mirza Bulic 17/13 fráköst, Arnór Tristan Helgason 15/4 fráköst, Deandre Donte Kane 15/8 fráköst/5 stoðsendingar, Unnsteinn Rúnar Kárason 7, Ragnar Örn Bragason 6/6 fráköst, Patrekur Atlason 0, Nökkvi Már Nökkvason 0, Valur Orri Valsson 0, Kristófer Breki Gylfason 0.

Njarðvík: Makye Richard 44/5 fráköst/8 stoðsendingar, David Okeke 29/8 fráköst, Aleksa Ilic 12/10 fráköst, Brynjar Kári Gunnarsson 10/6 fráköst, Isaiah Coddon 4, Spencer Svejcar 2/4 fráköst, Hugi Hallgrimsson 2, Kristinn Einar Ingvason 0, Snjólfur Marel Stefánsson 0, Logi Örn Logason 0, Almar Orri Jónsson 0, Viktor Máni Ólafsson 0.

Staðan:

1       Álftanes        4       4       0       468     -       380     8

2       KR      4       4       0       390     -       329     8

3       Valur   4       4       0       351     -       320     8

4       Tindastóll      4       3       1       377     -       342     6

5       Keflavík        4       3       1       436     -       409     6

6       Grindavík       4       2       2       356     -       367     4

7       Höttur  4       2       2       387     -       417     4

8       Stjarnan        4       1       3       369     -       387     2

9       ÍR      4       1       3       377     -       420     2

10      Njarðvík        4       0       4       338     -       366     0

11      Sindri  4       0       4       354     -       388     0

12      Ármann  4       0       4       334     -       412     0