Óskar fékk rautt gegn West Ham

Knattspyrnumarkvörðurinn Óskar Pétursson, frá Grindavík, sem er samningsbundinn Ipswich í Englandi komst í fréttirnar um helgina er hann fékk að líta rauða spjaldið í viðureign unglingaliða Ipswich og West Ham. Morgunblaðið greindi frá þessu í dag.

Óskar fékk rauða spjaldið á 12 mínútu leiksins og þurfti útivallarleikmaður að taka hans stað í markinu þar sem enginn varamarkvörður var til staðar og lauk leiknum með 6-1 sigri West Ham.