Ósigraðar annað árið í röð

A-lið Keflavík í minnibolta stúlkna í körfuknattleik varð Íslandsmeistari á dögunum og var þetta annað árið í röð sem þær leika ósigraðar. Mikill fjöldi stúlkna æfir körfubolta í Keflavík í þessum árgangi og því tefla Keflvíkingar fram tveimur liðum á Íslandsmótinu, A og B-liði.

 

Einar Einarsson er þjálfari liðsins en bæði árin hefur hann haft Sigurð Þorsteinsson sér til aðstoðar en Einar er aðstoðarþjálfari karlaliðs Keflavíkur og Sigurður leikmaður liðsins. Glæstur árangur hjá þeim Einar, Sigurði og stelpunum í minniboltanum í Keflavík.