Öruggur sigur hjá Keflavík

Íslandsmeistarar Keflavíkur höfðu sigur gegn Þór Akureyri í fyrstu umferð Iceland Express deild karla. Leikurinn fór fram í Toyota-höllinni í Reykjanesbæ og voru lokatölur leiksins, 94-70 fyrir heimamenn.

Keflavík hafði undirtökin allan leikinn og var yfir 48-31 í hálfleik. Gunnar Einarsson var atkvæðamestur í liði Keflavíkur. Hann skoraði 17 stig, en næstur kom Sverrir Sverrisson með 15 stig. Í liði Þórs Ak. var Cedric Isom atkvæðamestur með 34 stig, tók níu fráköst og gaf fimm stoðsendingar.

Tölfræði leiksins.



VF-MYND/JJK: Keflvíkingar höfðu sigur í Toyota-höllinni í gærkvöldi.