Örn í titilvörn

Íslandsmótið í holukeppni fer fram nú um helgina á Urriðavelli GO í Garðabæ og hefst keppni á morgun, föstudag, og lýkur á sunnudag. 64 efstu kylfingar í karlaflokki og 16 efstu konurnar á stigalista Kaupþingsmótaraðarinnar hafa þáttökurétt í mótinu.

 

Átta kylfingar úr GS verða með í mótinu að þessu sinni, sjö í karlaflokki og einn í kvennaflokki. Kylfingarnir frá GS eru: Atli Elíasson, Bjarni S. Sigurðsson, Bragi Jónsson, Davíð Jónsson, Ólafur Hreinn Jóhannesson, Sigurður Jónsson, Örn Ævar Hjartarson og Heiða Guðnadóttir. Örn Ævar Hjartarson hefur titil að verja en hann varð Íslandsmeistari í holukeppni í fyrra.

 

VF-mynd/ Úr safni - Örn Ævar ásamt kylfusveini sínum á Íslandsmótinu í höggleik á Hvaleyrarvelli fyrr í sumar.