Norðurál styrkir Mána

Styrktarsamningur milli Norðuráls Helguvík  og hestamannafélagsins Mána  var undirritaður fyrir helgi en Norðurál styrkir Íþrótta og æskulýðsstarf Mána veglega.
 
Í tilkynningu segir að styrkur þessi muni reynast félaginu góð búbót á þessum miklu umbrotatímum. Félagið hefur staðið í umtalsverðum framkvæmdum síðustu tvö árin, m.a. reist reiðhöll, ráðist í miklar endurbætur félagssvæðinu og gerð reiðvega í nágrenni þess.

Á meðfylgjandi myndum má sjá Guðberg Reynisson formann Mána og Gunnar Eyjólfsson varaformann Mána með Ágústi Hafberg fulltrúa Norðuráls.