Njarðvíkingar stóðu í Fylkismönnum
Njarðvíkingar höfðu forystu gegn Fylkismönnum bróðurpart leiks, þegar liðin áttust við í 32-liða úrslitum Borgunarbikarsins í Árbænum í gær. Njarðvíkingar náðu forystu þegar Jón Rúnar Tómasson skoraði rétt áður en flautað var til hálfleiks. Þegar svo klukkustund var liðin af leiknum komu þrjú Fylkismörk á 10 mínútna kafla sem gerðu út um vonir þeirra grænklæddu. Lokatölur 3-1 fyrir úrvalsdeildarliðið.
