Njarðvíkingar sóttu bikar til Eyja

Njarðvíkingar voru sigursælir á Orkumóti 6. flokks í fótbolta um helgina. Njarðvík sendi tvö lið til leiks en Njarðvíkurlið 1 tókst að vinna einn af þeim bikurum sem voru í boði á mótinu, svokallaðan Álfseyjarbikar. Sigurinn kom eftir mikla baráttu við FH í úrslitaleik og var það Tómas Ingi Oddsson fyrirliði liðsins sem tók við bikarnum í leikslok.

Að venju fór fram á föstudeginum úrvalsleikur milli landsliðsins og pressuliðs og átti Njarðvík fulltrúa í báðum liðum. Alexander Freyr Sigvaldason spilaði með pressuliðinu og Jón Garðar Arnarsson var markvörður landsliðsins.

Alexander Freyr Sigvaldason og Jón Garðar Arnarsson.

Tómas Ingi Oddsson fyrirliði Njarðvíkinga með bikarinn.