Njarðvíkingar niðurlægðir í Ljónagryfjunni
Það er fátt jákvætt sem er hægt að taka út úr leik Njarðvíkinga sem voru teknir í kennslustund á heimavelli í gær þegar KR-ingar komu í heimsókn í Subway-deild karla í körfuknattleik. KR hafði að lokum 35 stiga sigur.
Njarðvík - KR 90:125
(18:30, 22:32, 20:34, 30:29)
Njarðvíkingar byrjuðu leikinn betur og komust í sex stiga forystu (8:2) en þá slokknuðu öll ljós á Njarðvíkingum og KR-ingar gerðu nánast það sem þeim sýndist út leikinn. KR náði mest 42 stiga forskoti í leiknum og heimamenn fylgdust ráðalausir með.
Úrstilakeppnin er handan við hornið og Njarðvíkingar, sem eru í öðru sæti Subway-deildar karla, taka þennan leik örugglega til ítarlegrar athugunar til að fullvissa sig að þetta endurtaki sig ekki.
Frammistaða Njarðvíkinga: Maciek Stanislav Baginski 20/5 fráköst, Dedrick Deon Basile 14/9 stoðsendingar, Nicolas Richotti 13, Veigar Páll Alexandersson 11, Mario Matasovic 10/4 fráköst, Ólafur Helgi Jónsson 7, Logi Gunnarsson 6, Fotios Lampropoulos 5/4 fráköst, Jan Baginski 2, Elías Bjarki Pálsson 2, Rafn Edgar Sigmarsson 0, Haukur Helgi Pálsson 0.
